سوال: میری چھوٹی بہن کے ہاں شادی کے پندرہ سال بعد لڑکا پیدا ہوا اس سے پہلے تین لڑکیاں پیدا ہوئیں جو بقید حیات ہیں۔ لڑکا آٹھ ماہ سے سخت بیمار ہے اس وقت اس کی عمر 15ماہ ہے اور 7ماہ تک اس کا یہ حال رہا کہ اکثر روتا رہتا تھا۔ 7ماہ کا ہوا تو دانت نکلنے شروع ہوئے اور ساتھ ہی بخار آنا شروع ہو گیا۔ سب لوگ کہتے تھے دانت نکلنے کی وجہ سے بخار ہے۔ بخار کے علاج میں دست آنے بند ہو گئے۔ لیکن سخت قبض پیدا ہو گئی جو اب تک قائم ہے ۔ بہت علاج کرایا لیکن بخار نہیں اترا۔ ڈاکٹروں نے ٹی بی تشخیص کی تو ٹی بی کا علاج شروع ہو گیا۔ لیکن بخار نہیں اترا اور بچہ دن بدن کمزور ہوتا چلا گیا۔ اس دوران اسے تین مرتبہ تشنج کے دورے پڑے۔ ہم نے اسپیشلسٹ سے رجوع کیا اور بہت دن علاج کرایا لیکن بخار نہیں اترا۔ اب صورتحال یہ ہے کہ وہ گردن تک نہیں اٹھا سکتا۔ نیند میں اکثر ڈر جاتا ہے۔ ہاتھ اٹھانے کی طاقت تک اس میں نہیں ہے۔ وہ کسی چیز کی طرف نظر اٹھا کر نہیں دیکھتا۔ ڈاکٹروں کا کہنا ہے کہ پیدائش کے وقت اس کے دماغ کو آکسیجن کم ملی ہے۔ اس لئے یہ نارمل نہیں ہو سکتا۔ اس وقت اس کی یہ کیفیت ہے کہ ہر وقت جھٹکے لگتے رہتے ہیں۔ ہاتھ پاؤں ہلتے رہتے ہیں ۔ منہ آنکھیں پھڑکتی رہتی ہیں۔ بعض اوقات پورا جسم ہلنے لگتا ہے۔ مادی علاج کے بعد اب روحانی علاج کا سہارا لے رہے ہیں۔
جواب:

مندرجہ بالا تعویذ دو عدد پلیٹوں پر لکھ کر بچے کو پلائیں۔ تعویذ لکھنے میں زردہ رنگ عرق گلاب میں گھول کر استعمال کریں۔ یہی تعویذ مومی کاغذ پر لکھ کر موم جامہ کر کے آسمانی رنگ کے کپڑے میں سی کر گلے میں ڈال دیں۔ ہفتہ میں ایک بار کپڑے کے خول سے نکالے بغیر تعویذ کو لوبان کی دھونی ضرور دیں۔