مسٹر وی ایس سوم سندرم کہتے ہیں کہ جن دنوں ہم شکردرہ میں مقیم تھے، میری لڑکی باباصاحبؒ کی خدمت میں جاتی تو اس کا بیٹا مدن گوپال بھی ساتھ ہوتا تھا۔ مدن گوپال بات بات پر ضد کرتا تھا۔ ایک دن باباصاحبؒ نے مدن سے کہا۔’’ کیوں رے! ماں کوستاتا۔‘‘ یہ کہہ کر ایک کتاب مدن گوپال کو دی اورکہا۔’’یہ پڑھو! ‘‘پھر لڑکی سے مخاطب ہوکر ارشاد فرمایا۔’’یہ اچھا پڑھے گا۔‘‘

باباصاحب ؒ کی بشارت پوری ہوئی۔ مدن گوپال نے ایم بی بی ایس کی ڈگری لینے کے بعد برطانیہ سے امراضِ چشم کی سرجری کی اعلیٰ ڈگریاں لیں۔