آسمانی صَحائِف کے نقطۂِ نظر سے تخلیقِ کائنات پر تفکر کرتے ہیں تو ہمیں اس بات علم ہو جاتا ہے کہ ہم مخلوق ہیں، اللہ ہمارا خالق ہے۔ خالق نے جب چاہا ’’کُن‘‘ فرما کر کائنات کو بنا دیا۔
سوال یہ ہے کہ خالق نے کیوں چاہا؟ اور
خالق نے جو چاہا وہ پہلے سے مَوجود تھا یا نہیں؟
اگر خالق کا چاہنا مَوجود تھا تو وہ کہاں تھا؟ اور
خالق نے کائنات کیوں بنائی؟
اس کے بارے میں خالق خود کہتا ہے:
’’مَیں چھپا ہوا خزانہ تھا، مَیں نے مخلوق کو محبّت کے ساتھ اس لئے پیدا کیا کہ میں پہچانا جاؤں‘‘۔
مخلوق جو کچھ اور جس طرح مَوجود ہے اس کی مَوجودگی کے بارے میں بھی خالق خود بتاتا ہے کہ:
’’مَیں نے مخلوق کو اپنی صِفات پر پیدا کیا‘‘۔
یہ بات سب جانتے ہیں کہ ذات کو صِفات سے الگ نہیں کیا جا سکتا۔ صِفات ذات کے اندر مَوجود ہوتی ہیں اور صِفات سے ہی ذات کا تعارف ہوتا ہے۔