تصوف کے علوم یا علم ِ حضوری حاصل ہونے کے بعد انسان عالمِ دنیا سے نکل کر عالم ِ ارواح میں عالم ملکوت و جبروت میں پہنچ جاتا ہے۔صدقِ مقال،اکلِ حلال کمانے والا بندہ اور سیرتِ طیبہ صلی اﷲ علیہ وآلہٖ وسلم پر عمل کرنے والا امتی اپنے نفس اور اپنی روح سے واقفیت حاصل کرلیتا ہے اور رسولِاﷲ صلی اﷲ علیہ وآلہٖ وسلم کے اخلاق ِ حسنہ اور ارشادات پر دل و جاں سے عمل کرکے اﷲ کو پہچان لیتا ہے۔
’’پس اے رسول جب آپ فرائضِ منصبی سے فارغ ہوں تو عبادت میں محنت کریں اور اپنے رب کی طرف راغب رہیں‘‘۔
(سورۂ الم نشرح آیت نمبر۷۔۸)

’’ اور وہ تمہارے ساتھ ہے جہاں بھی تم ہو‘‘۔
(سورۂ الحدید آیت نمبر۴)

’’ بے شک اﷲ ساتھ ہے ان لوگوں کے جو متقی ہیں اور محسن بھی ہیں۔‘‘
(سورۂ نحل آیت نمبر۱۲۸)