گرمیوں کے دنوں میں گرمی کی شدّت سے موم نرم پڑجا نے کا خطرہ ہوتا ہے لیکن یہ ننھا کیڑا اپنی عقل مندی کی وجہ سے اپنے گھر کو برباد ہونے سے بچا لیتا ہے۔ ہوتا یوں ہے کہ گرمیوں کے دنوں میں تمام کارکن مکھیاں چھتے کے تمام خانوں کے کنارے پر اس طرح بیٹھ جاتی ہیں کہ ان کے پَر خانوں سے باہر رہیں۔ اب پروں کو تیزی سے حرکت دی جاتی ہے۔ پَروں سے پنکھوں کا کام لیتے ہُوئے ہَوا کو ٹھنڈا کرکے اندر بھیجا جاتا ہے جس سے ٹمپریچر گر جاتا ہے اور مکھیوں کے گھر گرمی کی تپش سے محفوظ رہتے ہیں۔ اللہ نے مکھی کو یہ صلاحیّت وحی کی ہے کہ مکھی ایسے پھول کا عرق نہیں چوستی جو بیمار اور زہریلا ہو۔ ہمیشہ یہ ایسے پھولوں کا انتخاب کرتی ہے جن پھولوں کے ذریعے زمین سے صحت بخش عرق کشید ہوتا ہے۔ یہی وجہ ہے کہ شہد بےشمار امراض کا علاج ہے۔