انسانی زندگی کے تمام دور بشمول ماضی اور مستقبل لوح محفوظ پر نقش ہیں۔ کائنات کا ہر ذرؔہ اس نقش کی تفصیلی تصویر ہے۔ ہر ذرؔے کے وجود کی گہرائی میں اسی نقش کا سراغ ملتا ہے۔ اسی طرح پتؔھر میں پتؔھر کے زمانے کی ساری فلم موجود ہے ۔ یہ فلم پتؔھر کے اندر جھا نکنے سے نظر آتی ہے۔ اسی ریکارڈ یا فلم کا مشاہدہ کر کے روحانی آدمی ما ضی اور مستقبل کے تمام واقعات سے مطلع ہو جاتا ہے ۔ آدم کی تخلیق میں جو فارمولے کام کر رہے ہیں وہ ازل سے ایک ہی پیٹرن ( PATTERN) یا طرز پر قائم ہیں ۔ زمانے کی تبدیلی کے ساتھ ساتھ ان کی مظاہراتی طرزوں میں تغؔیر ( VARIATION ) تو رونما ہوتا رہتا ہے لیکن بنیادوں میں کوئی تبدیلی واقع نہیں ہوتی ۔ انسانی طبیعت میں تقاضے، رنج و غضب ، پیار، جنس ،وغیرہ یکساں ہیں ۔ البتہ ہر دور میں ان کی مظاہراتی صورتیں تبدیل ہوتی رہتی ہیں ۔