کتنی مضحکہ خیز ہے یہ بات کہ قرآن کائنات پر ہماری حاکمیت اور سرداری تسلیم کررہا ہے ، ہمارے اوپر حاکمیت اور سرداری کے دروازے کھول رہا ہے اور ہم قرآن کومحض برکت کی کتاب سمجھ کر طاقوں میں سجائے رکھتے ہیں. جب کوئی افتاد پڑتی ہے تواسکی آیات تلاوت کر کے دنیاوی مصائب سے نجات کی دعائیں مانگتے ہیں مگر اس طرف ہماری توجہ مبذول نہیں ہوتی کہ قرآن میں تفکر اگر ہمارا شعار بن جائے اورہم اس تفکرکے نتیجے میں میدان عمل میں اتر آئیں تو ساری کائنات پر ہماری سرداری مسلؔم ہے. افسوس کہ ہم ان خزانوں کو نظراندازکرکے دوسروں کے دست نگربنے ہوئے ہیں۔