ہم جب اپنے آپ کو مطالعہ کرتے ہیں تو یہ کہتے ہیں کہ ہمارے پاس ایک محدود اور فنا ہونے والا جسم ہے اور یہی ہماری زندگی کی پہچان ہے ۔ یہ جسم جو ہمیں نظر آتا ہے اس کے اجزائے ترکیبی کثافت ،گندگی ،تعفؔن اور سڑانڈ ہیں ۔ اس سرانڈ کی بنیاد اس نظریؑے پر قائم ہے کہ ہر آدمی یہ سمجھتا ہے کہ میں مادؔہ ہوں اور میں اس ما دؔی دنیا کی پیدائش ہوں۔ یہ حدود نظریہ ہر آدمی کو کسی ایک مقام میں محدود کر دیتا ہے اور ہر آدمی ایک محدودیت کے تانے بانے میں خود کو گرفتار کر لیتا ہے اور اس طرح محدود پابند نظریؑے کی بنیاد پڑ جاتی ہے۔ زمین پر بسنے والا ہر آدمی جب اپنا تذکرہ کر تا ہے تو کہتا ہے میں مسلمان ہوں، میں ہندو ہوں ، میں پارسی ہوں ، میں عیسائی ہوں حالانکہ روح کا کوئی نام نہیں رکھا جاسکتا ۔روشنی ہر جگہ روشنی ہے چاہے وہ عرب میں ہو، عجم میں ہو یا یورپ میں ہو یا ایشیا کے کسی حصے میں ۔