شیخ ابوالخیر اقطع ؒ فرماتے ہیں کہ ایک مرتبہ مدینہ طیبہ حاضر ہوا اور پانچ دن ایسے گزر گئے کے کھانے کو کچھ نہ ملا۔ کوئی چیز چکھنے کی بھی نوبت نہ آئی۔ قبرِ اطہر پر حاضر ہوا اور حضور اقدس صلی اﷲ علیہ وآلہٖ وسلم اور حضرات شیخین پر سلام عرض کرکے منبر شریف کے پیچھے جاکر سو گیا۔ میں نے خواب دیکھا حضور صلی اﷲ علیہ وآلہٖ وسلم تشریف فرما ہیں۔ دائیں جانب حضرت ابوبکر صدیق ؓ، بائیں جانب حضرت عمر فاروقؓ ہیں اور حضرت علی ؓ سامنے ہیں۔ حضرت علی ؓنے فرمایا دیکھ حضور اقدس صلی اﷲ علیہ وآلہٖ وسلم تشریف لائے ہیں۔ میں اٹھا تو آپ صلی اﷲ علیہ وآلہٖ وسلم نے مجھے ایک روٹی مرحمت فرمائی۔ میں نے آدھی کھالی اور جب میری آنکھ کھلی تو آدھی روٹی میرے ہاتھ میں تھی۔