جب بیت اﷲ شریف کی تعمیر ہو گئی تو اﷲتعالیٰ کی طرف سے حکم ہوا :
اے ابرا ہیمؑ ! لوگوں میں حج کا اعلان کر دو۔ حضرت ابراہیم ؑ نے عرض کیا ’’ یا اﷲ! میری آواز کس طرح پہنچے گی یہاں ہم تین آدمیوں کے علاوہ کوئی نظر نہیں آتا‘‘ اﷲتعالیٰ نے فرمایا’’ اے ابراہیمؑ! آواز پہنچانا ہمارے ذمہ ہے‘‘ حضرت ابراہیم ؑ نے حج کا اعلان کر دیا۔ اس آواز کو آسمانوں اور زمین میں اور اس کے درمیان جتنی بھی مخلوق ہے سب نے سنا۔ حج کا یہی وہ اعلان ہے جس کے جواب میں حاجی حضرات حج کے دوران لبیک الھم لبیک کہتے ہیں۔
رسول اﷲ صلی اﷲ علیہ وسلم کا ارشاد ہے:
’’جس شخص نے خواہ وہ پیدا ہو چکا تھا یا ابھی عالم ارواح میں تھا حضرت ابراہیم ؑ کی آواز سن کرلبیک کہا وہ حج ضرور کرتا ہے۔‘‘