رسول اﷲ صلی اﷲ علیہ وآلہٖ وسلم اور انبیائے کرام علیہم السلام کی تعلیمات ہمیں اس طرف متوجہ کرتی ہیں کہ ہر انسان دو رخوں سے مرکب ہے۔
انسان کا ایک رخ جسمانی رخ ہے اور دوسرا رخ روحانی جسم ہے۔ مادی جسم کی تعریف یہ ہے کہ اس میں ہر لمحہ ٹوٹ پھوٹ ہوتی رہتی ہے۔مٹی کا جسم فنا ہوکر مٹی میں تبدیل ہوجاتا ہے۔ روحانی جسم اﷲ کا امر ہے۔ہر مادی وجود کی حرکت روحانی وجود کے تابع ہے۔مادی وجود روحانی وجود کے تابع ہوکر حرکت کرتا ہے۔روح اگر جسمانی وجود سے رشتہ منقطع کرلے تو مادی وجود میں کسی بھی طرح کی حرکت نہیں ہوتی۔کھانا پینا،چلناپھرنا،غم اورخوشی سے متاثر ہونا، شادی بیاہ اس ہی وقت ممکن ہے جب روح جسم کوسہارا دے۔دنیا ہزاروں سال سے موجود ہے ہزاروں سال کی تاریخ میں ایک بھی مثال نہیں ہے کہ کسی مردہ جسم نے کوئی ایجاد کی ہو یا مردہ اجسام سے کوئی اور انسانی عمل سرزد ہوا ہو۔