اﷲ کی ایک تخلیق سے ہزاروں ذیلی تخلیقات کا مظاہرہ آدم زاد کی صلاحیتوں کا تصرف ہے اور یہ تصرف اس علم کے ذریعے ہوتا ہے جس کو اﷲتعالیٰ نے علم الاسماء کہا ہے۔علم الاسماء سے مراد یہ ہے کہ ایسا علم جو اﷲتعالیٰ نے انسان کو سکھایا ہے۔جب آدم اس علم کی گہرائی میں تفکر کرتا ہے تو تفکر کے نتیجے میں نئی نئی تخلیقات اور ایجادات ہمارے سامنے آتی رہتی ہیں۔
قرآن حکیم میں ارشاد ہے:
’’ ہم نے لوہا (دھات) نازل کیا اور اس کے اندر انسا ن کے لئے بےِشمارفائدے ہیں۔‘‘
(سورۂ حدید آیت نمبر ۲۵)
لاکھوں سا ل پر محیط گزرے ہوئے ادوارمیں ایجادا ت اور ترقی پر غور کیا جائے تو ہر ترقی میں کسی نہ کسی طرح دھات یا اﷲتعالیٰ کے پیدا کئے ہوئے وسائل کا عمل دخل ہے۔