پروجیکٹر پر ایک فلم لگی ہوئی ہے۔ پروجیکٹر کی فلم اس وقت تک اسکرین پر منعکس نہیں ہوتی جب تک کہ پروجیکٹر کو کوئی رَوشنی فِیڈ (Feed) نہ کرے۔
لوحِ محفوظ پر چلنے والی فلم کو جو رَوشنی متحرّک کرتی ہے، وہ اللہ کی تجلّی ہے۔ اللہ کی اس تجلّی کا عکس براہِ راست لطیفۂِ اَخفیٰ پر پڑتا ہے۔ اس کامطلب یہ ہوا کہ جب کوئی بندہ اپنے اندر مَوجود لطیفۂِ اَخفیٰ کو دیکھ لیتا ہے یا اپنے اندر مَوجود لطیفۂِ اَخفیٰ سے واقف ہو جاتا ہے تو دراصل وہ اللہ کی تجلّی کا مشاہدہ کر لیتا ہے۔ اس کے سامنے یہ بات آ جاتی ہے کہ:
کُن کہنے سے پہلے عالمِ مَوجودات کی کیا حیثیت تھی؟ اور
کُن کہنے کے بعد کائنات کی کیا حیثیت ہے؟