حضرت ابراہیم ؑ نے خواب میں دیکھا کہ انہیں چہیتے بیٹے حضرت اسماعیل ؑ کی قربانی کا حکم دیا گیا ہے۔ حضرت ابراہیم ؑ تجسس، تحقیق اور مشاہداتی عمل سے اس نتیجہ پر پہنچ گئے تھے کہ’’ اﷲ طلوع اور غروب ہونے والی ہستی نہیں ہے۔ حضرت ابراہیم ؑ سے یہ یقین ان کے بیٹے حضرت اسماعیل کو منتقل ہوا اور جب آپ نے حضرت اسماعیل ؑ کو خواب سنایا تو حضرت اسماعیل ؑ نے کہا ’’آپ کو جو حکم دیا گیا ہے اسے پورا کریں انشا اﷲ آپ مجھے صابر پائیں گے‘‘۔ حضرت ابرہیم ؑ حضرت اسماعیل ؑکو لے کر منیٰ کے مقام پر آئے اور ایک جگہ انہیں لٹا دیا۔ حضرت اسماعیل ؑ سے فرمایا آنکھیں بند کرلو اور خودبھی اپنی آنکھیں بند کر لیں۔
حضرت ابراہیم ؑ نے اﷲ کا نام لے کر حضرت اسماعیل ؑکے گلے پر چھری پھیر دی۔ جب وہ اپنی دانست میں پیارے بیٹے کو ذبح کر چکے تو آواز آئی۔ ابراہیم آنکھیں کھول دے۔ دیکھا کہ ایک تندرست دنبہ ذبح کیا ہو ا سامنے پڑا ہے۔