حضرت انس بن مالک ؓ کے بھتیجے حضرت انس نضیر ؓ فرماتے ہیں کہ ان کی پھوپھی نے کسی لڑکی کا اگلا دانت توڑدیا تھا۔ہمارے خاندان کے لوگوں نے لڑکی کے رشتہ داروں سے معافی مانگی۔انہوں نے انکار کردیا۔پھر ان سے کہا گیا کہ تم لوگ دیت یعنی دانت کے بدلے دانت لینے کے بجائے کچھ رقم لے لو اس پر بھی ان لوگوں نے انکار کیا اور رسول اﷲ صلی اﷲ علیہ وآلہٖ وسلم کی خدمت میں حاضر ہوکر معافی دینے اور دیت قبول کرنے پر انکار کرتے ہوئے قصاص طلب کیا۔
چنانچہ سرور دوعالم صلی اﷲ علیہ وآلہٖ وسلم نے قصاص حکم کاصادر فرمادیا۔اس پر حضرت انس بن نضیر ؓ نے کہا یا رسول اﷲ صلی اﷲ علیہ وآلہٖ وسلم کیا میری پھوپھی کا دانت توڑ دیا جائے گا؟ سرور ِ دو عالم صلی اﷲ علیہ وآلہٖ وسلم نے فرمایا اے انسؓ اﷲ کی کتاب قصاص کا حکم دیتی ہے۔ یہ سن کر لوگ خوش ہوگئے اور دانت کا بدلہ معاف کردیا۔