حضرت ابو رافع ؓ کہتے ہیں سرکار ِ دو عالم صلی اﷲ علیہ وآلہٖ وسلم نے جب حضرت علی ؓ کو جھنڈا دے کر خیبرکی طرف روانہ کیا اور وہ خیبرکے قلعے کے پاس پہنچے تو خیبر والے آپؓ پر ٹوٹ پڑے۔بڑی خونریزی ہوئی۔ایک یہودی نے وار کرکے آپ ؓ کے ہاتھ سے ڈھال گرادی۔حضرت علی ؓ آگے بڑھے اور قلعے کا ایک دروازہ اٹھا کراپنی ڈھال بنالیا۔بالاآخر دشمنوں پر فتح حاصل ہوجانے کے بعد اس دروازے کوپھینک دیا۔اس سفر میں میرے ساتھ سات آدمی اور بھی تھے اور ہم آٹھ آدمی مل کر اس دروازے کو الٹ دینے کی کوشش کرتے رہے۔لیکن وہ دروازہ جس کو تن تنہا حضرت علیؓ نے اپنے ایک ہاتھ میں اٹھالیا تھا ہم آٹھ آدمی اس کو نہیں پلٹ سکے۔