اے میرے بزرگو ! میرے اسلاف کی نیابت کے دعویدارو ! اگر تمہیں یقین ہو جائے کہ تمہا را باپ ایک خوفناک ہستی ہے اور وہ تمہارے وجود کو جلا کر خاکستر کر دے گا تو کیا تم اس کے قریب جاؤ گے؟ اے دانشورو، واعظو ! تم کیوں ایسے خدا کا تذکرہ کرتے ہو کہ انسان اسے خوفناک ہستی اور ڈراؤنی ذات سمجھ کر رات دن ڈرتا رہے، لرزتا رہے، اس کے جسم کا ہر عضو کانپتا رہے، یہ کون نہیں جانتا کہ ڈر اور خوف دوری اور جدائی کا سمبل) (SYMBOLہے ۔ یہ کون تسلیم نہیں کرے گا کہ ڈر گھٹن ہے، ڈر اضطراب ہے، ڈر بے چینی ہے، ڈر اور خوفنا کی دو دلوں کے درمیان جدائی کی ایک دیوار ہے ۔