دنیا میں رائج علوم کی اگر درجہ بندی کی جائے تو ہم انہیں تین حصؔوں میں تقسیم کرسکتے ہیں ۔ طبیعات ( PHYSICS) ، نفسیات ( PSYCHOLOGY) اور ما بعد نفسیات PARA-PSYCHOLOGY)) علم طبیعات کے ضمن میں زندگی کے وہ اعمال و اشغال آتے ہیں جن سے کوئی آدمی محدود دائرے میں رہ کر مستفیض ہوتا ہے۔ یعنی اس سوچ کا محور مادؔہ ) MATTER) ہوتا ہے. اس مادؔی دنیا کے اس خول سے وہ با ہر نہیں نکل سکتا۔ نفسیات وہ علم ہے جو طبیعات کے پس پردہ کام کرتا ہے۔ خیالات و تصورات اور احساسات کا تانا بانا اس علم سے مرکؔب ہے ۔ علم ما بعد النفسیات علم کی اس بساط کا نام ہے جس کو روحانیت میں مصدر اطلاعات (SOURCE OF INFORMATION) کہا جا تا ہے، علمی حیثیت میں یہ ایک ایسی ایجنسی ہے جو لاشعور کے پس پردہ کام کرتی ہے ۔