جب سے ہوش سنبھالا ہے میں دیکھ رہا ہوں کہ ہم صرف دعاؤں کے ذریعے اپنے مسائل حل کرنے کی کوشش کرتے ہیں۔ ہم عمومی اور خصوصی دعائیں بھی مانگتے ہیں ۔ آدھی صدی یا دوتہائی سے زیادہ کا زمانہ گزرچکا ہے میں نے من حیث القوم کافروں کے اوپر فتح و کامرانی کی کوئی دعا قبول ہو تے نہیں دیکھی۔ آخر ایسا کیوں ہے؟ دعائیں اس لئے قبول نہیں ہوتیں کہ ان کے ساتھ عمل نہیں ہے اورتخلیق کا راز یہ ہے کہ عمل بجائے خود ایک تخلیق ہے۔ جب سے ہم نے عمل کو ترک کیا ہے اور صرف دعاؤں کا سہارا لینا شروع کیا ہے ہمارے اندر سے نور نکل گیا ہے اور نار نے ہمیں اپنا لقمہؑ تر سمجھ لیا ہے۔ اے واعظو ! اے منبرنشینو ! اے قوم کے دانشوارو ! برائے خدا سوتی قوم کو جگاؤ اور بتاؤ کے بےعمل قومیں مفلوج ،مغضوب اورغلام بن جاتی ہیں ۔