ایک دفعہ کچھ جنگی قیدی گرفتار ہو کر آئے۔ ان میں ایک عورت بھی تھی جس کا دودھ پیتا بچہ اس سے بچھڑ گیا تھا۔ وہ مامتا کی ماری ایسے بے قرار تھی کہ جس چھوٹے بچے کو دیکھتی اسے اپنے سینے سے لگا کر دودھ پلا نے لگتی۔ اس عورت کا یہ حال دیکھ کر حضورپاک صلی اللہ علیہ وسلمﷺ نے صحابہؓ سے پوچھا’’ کیا تم توقع کر سکتے ہوکہ ماں اپنے بچے کو اپنے ہاتھ سے آگ مین پھینک دے گی ؟ صحابہؓ نے عرض کیا ’’یا رسول اللہ ﷺ! خود پھینکنا تو درکنار، اگر بچہ آگ میں گرنے لگے تو یہ اپنی جان دے کر بھی بچے کو بچالے گی ۔‘‘ نبی برحقؐ نے فرمایا:’’خدا اپنے بندوں پر اس سے زیادہ مہربان ہے ۔‘‘