حضرت امام زین العابدینؒ کے صاحبزادے حضرت امام باقر محمد بن علیؒ جب حج کو تشریف لے گئے اور بیت اللہ شریف پر نگاہ پڑی تو اتنے زور سے روئے کہ چیخیں نکل گئیں۔لوگوں نے دلاسہ دیا اور کہا کہ روئیں نہیں۔ فرمایا کہ شاید اللہ تعالیٰ رونے کی وجہ سے نظر فرما دے۔ اور میں کل قیامت کے دن کامیاب ہو جاؤں۔ اس کے بعد طواف کیا اور طواف کے بعد مقام ابراہیم کے پاس جا کر نفلیں پڑھیں۔ سجدے کی جگہ آنسوؤں سے بھیگ گئی۔