آج ہم جانتے ہیں کہ ہم سے کہیں زیادہ ترقی یا فتہ تہذیبیں اسی زمین پر ظاہر ہوئیں اور اس طرح معدوم ہو گئیں کہ صرف آثار باقی رہ گئے ۔ جب ہم ان عوامل کا کھوج لگا تے ہیں جو ان کی مکمل تباہی میں کار فرما ہیں تو ہمارے سامنے یہ بات کھل کر آتی ہے کہ جن قوموں کا رشتہ دنیا سے مستحکم اور اپنی روح سے کمزور ہو گیا بالآخر ان کے اوپر حرص اور لالچ غالب آگیا ۔ ایسی قوموں کا مقصد زندگی صرف اور صرف دنیا کا حصول بن جاتا ہے اور کبھی نہ ختم ہو نے والی حرص و ہوس کی دوڑ میں پورا معاشرہ اس طرح گرفتاربلا ہوجا تا ہے کہ کوئی صورت با ہر نکلنے کی با قی نہیں رہ جاتی تو قومیں تباہ و برباد کر دی جاتی ہیں یا پھر ان کے چہرے مسخ ہوجاتے ہیں ۔