آبادی میں ایک آدمی بھی ایسا نہیں ہے جو بیمار ہونا یا مرنا چا ہتا ہے اگر زندہ رہنا اختیاری ہوتا تو دنیا میں کوئی آدمی موت سے ہم آغوش نہ ہوتا۔ علےٰ ہذالقیاس زندگی کے بنیادی عوامل اور وہ تمام حر کات جن پر زندگی رواں دواں ہے، انسان کے لئے اختیاری نہیں ہے ۔اگر ہم بنیاد پر غور کریں تو زندگی اس وقت شروع ہوتی ہے جب آدمی پیدا ہوتا ہے جبکہ پیدا ئش پر انسان کا کوئی اختیار نہیں ہے۔لاکھوں سال کے طویل عرصے میں ایک فرد بھی ایسا نہیں ہے جو اپنے ارادے اور اختیار سے پیدا ہوگیا ہو ۔ پیدا ہونے والا ہر فرد ایک وقت معؔینہ کے لئے اس دنیا میں آتا ہے اور جب وہ وقت پورا ہوجاتا ہے تو آدمی ایک سیکنڈ کے لئے بھی اس دنیا میں مزید قیام نہیں کرسکتا ۔