کوئی قوم خیرو شر کی تفریق کو نظر انداز کر کے قانون شکنی کا ارتکاب کرنے لگتی ہے تو افراد کے یقین کی قوتوں میں اضمحلال شروع ہو جاتا ہے ، عقائد میں شک اور وسوسے در آتے ہیں، انسان زندگی کی حقیقی مسرتوں سے محروم ہو جاتا ہے اور اس کی حیات کا محور خالق کائنا ت کے بجائے صرف مادؔی وسائل بن جاتے ہیں تو آفات ارضی و سماوی کا لامتناہی سلسلہ شروع ہو جاتا ہے اور بالآخر ایسی قومیں صفحہؑ ہستی سے مٹ جاتی ہیں ۔ اللہ شک اور بے یقینی کو دماغ میں جگہ دینے سے منع کرتا ہے ۔ یہ وہی شک اور وسوسہ ہے جس کے سبب آدمؑ کو جنت کی نعمتوں سے محروم ہونا پڑا ۔