موجودات میں ہر چیز کی بنا (Base ) پانی ہے جو صعود و نزول میں رواں دواں ہے۔ ماں کے پیٹ میں یہی پانی شکل بدل کر بچے کی غذا بنتا ہے۔ پھر یہی پانی دودھ بن جاتا ہے، آم کے درخت میں آم، بیر کے درخت میں بیر، سیب کے درخت میں سیب اور کیلے کے درخت میں کیلا بنتا رہتا ہے یعنی میٹر یا مادہ ایک ہےاور مختلف درختوں میں جا کر مختلف صورت میں جلوہ گر ہو رہا ہے۔ یا بدیع العجا ئب! یہ کیسی صناعی ہے اور کیسی عظیم الشان خود مختار قدرت ہے ۔