دعا سے فارغ ہونے کے بعد قبلہ رخ کھڑے ہو کر تین سانسوں میں پیٹ بھر کر زم زم پیجئے اور یہ دعا مانگیں
اَللّٰھُمَّ اِنِّیْ اَسْئلُکَ عِلْمًا نَّا فِعًاوَّرِزْقُاوَّاسِعًاوَّشِفَآءً مِّنْ کُلِّ دَآءٍ
ترجمہ: اے اللہ میں تجھ سے نفع رساں علم اور وسیع رزق اور ہر ایک بیماری سے شفا کا طلبگار ہوں۔
زم زم پینے کے بعد جب چند قدم چلیں گے تو آپ محسوس کریں گے کہ زم زم ہضم ہو گیا۔ یہ زم زم کی خصوصیت ہے۔
آب زم زم کا کنواں حرم شریف کے صحن میں نیچے تہ خانہ میں ہے (جب آپ خانہ کعبہ کے دروازے کی طرف منہ کر کے کھڑے ہوں گے تو زم زم کا کنواں آپ کی پشت کی جانب ہو گا۔ خانہ کعبہ کے دروازے سے اس کا فاصلہ تقریباً ۲۰۰ فٹ ہے)۔ یہاں عورتوں اور مردوں دونوں کے لئے علیحدہ علیحدہ پینے کی جگہ بنا دی گئی ہے اور حجاج کی سہولت کے لئے حرم شریف میں کافی تعداد میں آب زم زم سے بھرے ہوئے کولر بھی رکھ دیئے گئے ہیں۔