اے میری ماں ، میری بہن، میری لخت جگربیٹی ! عورت اور مر د ایک اللہ کی تخلیق ہے۔ ہر مرد اور ہر عورت کے اندرایک اللہ کی روح ہے ۔ ہرعورت کے اندر بھی وہ تمام صلاحیتیں اور صفات موجود ہیں جو قدرت نے مرد کو ودیعت کی ہیں۔ جب ایک عورت رابعہ بصری بن سکتی ہے تو دنیا کی تمام عورتیں اپنے اندر اللہ کی دی ہوئی صلاحیتوں کو بیدار کر کے اپنے نام اولیاء اللہ کی فہرست میں ثبت کرا سکتی ہیں۔ اللہ تعالیٰ کا انعام عام ہے ۔ آگے بڑھو اور اپنی روحانی طاقت سے نوع انسانی کے اوپر سے شیطانی غلبہ کو ختم کر دو ۔