قرآن کی آیتوں میں تفکر کرنے سے معلوم ہوتا ہے کہ ہرعلم کی بنیاد روشنی ہے لیکن آدمی تو یہ بھی نہیں جانتا کہ روشنیاں طبیعت اور ماہیت رکھتی ہیں اور روشنیوں میں رجحانات بھی ہوتے ہیں ۔اسے یہ بھی نہیں معلوم کہ روشنیاں ہی زندگی ہیں۔ روشنیاں ہی زندگی کی حفاظت کرتی ہیں۔ آدمی صرف مٹی کے پتلے سے واقف ہے، اس پتلے سے جس کے اندر اس کی اپنی کوئی زندگی موجود نہیں ہے جو سڑاند اور خلا سے بنا ہے اور اس کے اندر اپنی کوئی ذاتی حرکت موجود نہیں ہے ۔