ایک چیونٹی نے جلیل القدر پیغمبر اور عظیم الشان بادشاہ حضرت سیلمان ؑ کے لشکر کی دعوت کی۔ آپ کے لشکر میں انسانوں کے علاوہ جنات، پرند، چرند، درند سبھی شامل تھے ۔ ہواؤں اور موسموں پر بھی آپ کی حکومت تھی ۔ میزبان چیونٹی کو حضرت سیلمان ؑ نے اٹھا کر اپنی ہتھیلی پر رکھ لیا اور پو چھا ۔’’بتا تیری سلطنت بڑی ہے یا میری ؟ چیونٹی نے کہا ۔‘‘کس کی سلطنت پرعظمت ہے یہ بات تو اللہ کو معلوم ہے مگر میں یہ جانتی ہوں کہ اس وقت میرا تخت سیلمان کا ہاتھ ہے ۔‘‘