ہر زمانے میں عقل مندوں نے حوسِ زر کی مخالفت کی ہے ۔قرآن نے اسے حطمہ کہا ہے جس کی آگ ستون کی مانند دل پر چڑھ جاتی ہے اورآدمی کو بھسم کر ڈالتی ہے ۔ جو دولت حطمہ نہیں ہے وہ روشن سورج ،تا روں بھری رات ،چاند کی ٹھنڈک ،عطر بیز ہوائیں اور ایک پرسکون دل ہے ۔ا یسے ہی صاحب دل لو گ جن کو اطمینان قلب نصیب ہوتا ہے اور ان کی تخلیقی سوچ اللہ کی سوچ ہوتی ہے ۔ انہیں سب میں اللہ کا نور نظرآتا ہے۔ ان کی زندگی ایسے رو شن اور پا کیزہ خیالات کا مرقع ہے جن میں کوئی کثافت نہیں ہوتی ۔لا لچ اور گمہراہی کے عقوبت خانوں کے دروازے ان کے اوپر بند ہو جاتے ہیں ۔ ان کی زندگی میں ایسی حلاوت ہوتی ہے جیسی حلاوت شیر خوار بچے کو ماں کی گود میں ملتی ہے ۔