دنیا میں افراتفری کا ایک عالم برپا ہے۔ ہر شخص کسی نہ کسی الجھن میں گرفتار ہے۔ ذہنی سکون ختم ہوگیا ہے۔ عدم تحفظ کے احساس سے حزن و ملال کے ساےؑ گہرے اوردبیز ہو گئے ہیں۔ اس سے یہ اندازہ لگا نا دشوار نہیں ہے کہ کہ ہم آفات ارضی وسماوی کی یلغار کی زد میں ہیں۔ ایک راسخ العقیدہ مسلمان کی حیثیت سے دیکھا جائے تو فرمان خداوندی کے بموجب انسانی معاشرہ میں آباد لوگوں کے جرائم اور ان کی خطا کاریاں آفتوں اور ہلا کتوں کو دعوت دیتی ہیں ۔