مراقبے کے ذریعے انسان عالم ظاہر کی طرح عالم با طن کی دنیا سے روشناس ہوتا ہے۔ جب سالک غیب کی دنیا میں داخل ہوجاتا ہے تو جس طرح وہ عالم ناسوت یا اس دنیا میں زندگی گزارتا ہے اور زندگی کے تقاضوں کو پورا کرتا ہے اسی طر ح وہ غیب کی دنیا میں نظام شمسی اور بے شمار افلاک کو دیکھتا ہے ۔ فرشتوں سے متعارف ہوتا ہے۔ اس کے سامنے وہ تمام حقائق آجاتے ہیں جن حقائق پر یہ کائنات تخلیق ہوئی ہے ۔ وہ یہ بھی دیکھ لیتا ہے کہ کا ئنات کی ساخت میں کس قسم کی روشنیاں بر سر عمل ہیں۔ان روشنیوں کا منبع (SOURCE ) کیا ہے ۔ یہ روشنیاں کس طرح تخلیق ہورہی ہیں ، افراد کائنات میں کس طرح تقسیم ہورہی ہیں اور روشنیوں کی مقداروں کی ردؔوبدل سے کائنا ت کے نقوش کس طرح بن رہے ہیں۔ روحانی آدمی کی آنکھ یہ بھی دیکھ لیتی ہے کہ رو شنیوں کا منبع انوار ہیں۔ پھر اس پر وہ تجلؔی بھی منکشف ہوجاتی ہے جو روشنیوں کو سنبھا لنے والے انوار کی اصل ہے ۔