اللہ تعالیٰ کا ہر اسم اللہ تعالیٰ کی صفت ہے اللہ تعالیٰ کی ہر صفت قانون قدرت کے تحت فعال اور متحرک ہے ۔ ہر صفت اپنے اندر طا قت اور زندگی رکھتی ہے۔ جب ہم کسی اسم کا ورد کرتے ہیں تو اس اسم کی طا قت اورتاثیر کا ظاہرہوناضروری ہے۔ اگرمطلوبہ فوائد حاصل نہ ہوں توہمیں اپنی کوتاہیوں اورپرخطا طرزعمل کا جا ئزہ لینا چا ہئیے ۔ ہم یہ جانتے ہیں کہ علاج میں دوا کے ساتھ پرہیز ضروری ہے اوربدپرہیزی سے دواغیرموٗثر ہوجاتی ہے۔ کوتاہیوں اور خطاوٗں کےمرض میں جوپرہیزضروری ہےوہ یہ ہے۔ حلال روزی کا حصول، جھوٹ سے نفرت،سچ سے محبت، اللہ کی مخلوق سے ہمدردی،ظاہر اور باطن میں یکسانیت، منافقت سے دل بیزاری، فساد اور شر سے احتراز، غروروتکبؔر سے اجتناب، کو ئی منا فق، سخت دل، اللہ کی مخلوق کو کمتر جا ننے والا اور خود کو دوسروں سے برتر سمجھنے والا بندہ اسمائے الٰہیہ کے خواص سے فا ئدہ نہیں حاصل کرسکتا۔ کسی اسم کا ورد کرنے سے پہلے مذکورہ با لا صلاحیتوں اور اوصاف کو اپنے اندر پیدا کرنا ضروری ہے ۔