ہرذرّہ ہے ایک خاص نمو کا پابند
سبزہ کہ صنوبر ہوکہ ہو سر و بلند
انسان کی مٹی کے ہر ایک ذرّہ سے
جب ملتا ہے موقع تو نکلتے ہیں پرند
اللہ تعالیٰ نے فرمایا ہے کہ ہم معین مقداروں سے تخلیق کی ہے۔ ہر تخلیق میں معین مقداریں کام کررہی ہیں جو ہر نوع کو دوسری نوع سے اور ہر فرد کو دوسرے فرد سے ممتاز کردیتی ہیں ۔ مٹی کے ذرّات ایک ہی لیکن ان ذرّات کی مقداروں میں رد و بدل سے طرح طرح کی تخلیق وجود میں آرہی ہے۔ مٹی کے یہ ذرّات کہیں سروسمن، کہیں کوہ و دمن اور کہیں خوش الحان پرند بن جاتے ہیں اور جب بظاہر مٹی کے یہ بے جان ذرّات زندگی کو اپناتے ہیں تو رنگ رنگ کائنات میں بکھر جاتے ہیں اور ان ہی رنگوں سے جیتی جاگتی ایک دنیا عالم وجود میں آجاتی ہے۔