کل عمر گزر گئی زمیں پر ناشاد
افلاک نے ہرسانس کیا ہے برباد
شاید کہ وہاں خوشی میسر ہو عظیم ؔ
ہے زیر زمیں بھی ایک دنیا آباد
ہماری اس رنگ و بو کی دنیا کی طرح ایک اور دنیا بھی ہے جو مرنے کے بعد ہمارے اوپر روشن ہوتی ہے۔ ہم کتنے بد نصیب ہیں کہ ہم نے کبھی اس نادیدہ دنیا کی طرف سفر نہیں کیا۔ رسول اللہ صلی اللہ علیہ وسلم کے ارشاد ’’ مرجاؤ مرنے سے پہلے‘‘ پر عمل کرکے اگر ہم اس دنیا سے روشناسی حاصل کرلیں تو اس بات کی توقع کی جاسکتی ہے کہ ناشاد و نامراد زندگی کی مسرت و شادمانی میسر آجائے۔