میرے ایک بہت عزیز دوست نے اصرار کرکے مجھے اس بات پر مجبور کیا کہ میں انہیں سٹّہ کا نمبر بتادوں ۔ رات کو اسباق سے فارغ ہونے کے بعد میں نے استخارے کی وہ دعا پڑھی جس سے بیداری میں حالات منکشف ہوجاتے ہیں ۔ دیکھا کہ ایک پردہ ہے جیسے سنیما کی اسکرین (SCREEN) ہوتی ہے اور اس پر نمبر لکھے ہوئے ہیں ۔ ابھی نمبروں کو اچھی طرح ذہن نشین نہیں کر پایا تھا کہ میرے اور پردے کے درمیان بابا صاحب ؒ کا ہاتھ آگیا نہایت غصیلی آواز میں کہا۔ ’’ کیا کرتا ہے؟‘‘ اس کے ساتھ ہی میری نظروں کے سامنے سے پردہ غائب ہوگیا۔