جب کسی مسئلے کو حل کرنے کے لئے تفکر کیا جاتا ہے تو بہت سی ایسی باتیں شعور پر ابھر آتی ہیں جن کا تجزیہ اگر کیا جائے تو بہت تلخ حقائق سامنے آتے ہیں۔

قرآن کریم کہتا ہے کہ اللہ نے ہر چیز جوڑے جوڑے بنائی ہے عورت مرد کا لباس ہے اور مرد عورت کا لباس ہے۔
دانشور کہتے ہیں کہ عورت کو مرد کی اداسی کم کرنے اور اس کا دل خوش کرنے کے لئے پیدا کیا گیا ہے۔ بلاشبہ یہ کھلی نا انصافی اور احسان فراموشی ہے۔ ناشکری اور ناانصافیوں کا رد عمل بھیانک اور المناک ہوتا ہے۔ دنیا کے علوم سے آراستہ دانش وروں کے فیصلے کو ہم کم عقلی پر مبنی قرار دے سکتے ہیں۔ مگر جب ہم یہ دیکھتے ہیں کہ روحانی علوم کے سلسلے میں بھی عورت کو نظر انداز کیا گیا ہے تو دماغ ماؤف اور عقل پریشان ہو جاتی ہے ۔