بحضور تاجُ الاَولیَاء بَابا تاج الدین ناگ پُوریؒ

یا بابا تاج الدینؒ ولی، تم زُلفِ نبیؐ، گیسوئے علیؓ

تم لاڈلے بی بی زہراؓ کے، تم رُوئے حسینؓ، ابروئے علیؓ

پروردۂ نازِ خُدا تم ہو، سرکردۂ رازِ خدا تم ہو

گُل زارِ نیازِ خدا تم ہو، خوشبوئے حسنؓ، خوشبوئے علیؓ

اس دَورکے اندر جانا ہے، اس دَور کے اندر سمجھا ہے

تم سے ہے جمال مصطفویؐ، تم سے ہے جلالِ خوئے علیؓ

تم ختمِ رُسُل کا نقشِ قدم، تم شمعِ عرب، تم شمع عجم

تم سِرّخفی وجلی باہم، مہکی ہے تم سے بوئے علیؓ

یہ آپ ہی کا تو نواسہ ہے، دریا پی کر جو پیاسا ہے

جلووں کا سمندر دے دیجئے، اے بادۂِ حق اے جوئے علیؓ

قلندر بابا اولیاءؒ