روشنیوں کی کمی اور زیادتی سے پیداہونے والے امراض

بعض اوقات صرف چند ہزار خلئے رو کے تصرف سے بالکل خالی ہوجاتے ہیں یا ان میں روکا تصر ف قطعی نہیں رہتا۔ روکا تصرف نہ ہونے سے یہ منشا ء نہیں ہے کہ رو رہتی ہی نہیں ہے بلکہ رو میں ترتیب نہیں رہتی ۔ یہاں تک کہ وہ بالکل بے قاعدہ ہوجاتی ہے۔ اب چند ہزار خلیوں کے بے ترتیب ہونے کا اثر یہ ہوتاہے کہ آدمی ایک بات کا تعلق دوسری بات سے قائم نہیں رکھ سکتا۔ کبھی کبھی اس پر بڑی شرمندگی ہوتی ہے۔ ایساناممکن ہے کہ ہر شخص کے ساتھ اس قسم کے واقعات پیش نہ آتے ہوں۔ یہ کوئی بیماری نہیں ہے، مگر باربار ایسا ہونے سے بیماری پیداہوجاتی ہے اس کو حافظہ کی زیادہ کمزوری کانام دیاجاتاہے۔