تعمیر اور تخریب کے دو رخ ہیں ۔ جب تعمیری شعور بروئے کار آتا ہے تو انسان آسمانوں کی رفعت سے بھی اونچا اور سر بلند بن جاتا ہے ۔ کائنات اس کے لئے مسخر ہوجاتی ہے اور یہ فرشتوں کا مسجود قرارپاتا ہے اور جب یہی انسان اسفل میں گرتا ہے تو اخلا قیات کی تمام حد بندیاں ریزہ ریزہ ہو جاتی ہیں ۔ حرص و ہوس اور معیار زندگی کا عفریت اسے نگل لیتا ہے۔ ایسی ایسی اختراعات و ایجادات ذہن میں آتی ہیں جو ابلیسیت کا شاہکار ہوتی ہیں۔ اور دماغ کی تمام تعمیری صلاحیتیں تخریب کا لباس پہن کر اللہ کی زمین میں فساد برپا کر دیتی ہیں ۔ بلا شبہ آج کا سائنسی دور اس کا بیؔن ثبوت ہے ۔