قانون یہ ہے کہ انسان اپنی صلاحیّت کے ساتھ تن من دھن سے کسی چیز کی تلاش میں لگ جائے اور تلاش کو زندگی کا مقصد قرار دے لے تو وہ چیز اُسے حاصِل ہو جاتی ہے۔ یہ اللہ کی سنّت ہے… پہلے بھی جاری تھی… اب بھی جاری ہے… اور آئندہ بھی جاری رہے گی۔ اسی بات کو ہمارے بزرگوں نے دو الفا ظوں میں بیان کیا ہے…. ’’جوئِندہ یابَندہ‘‘….
بہت سے لوگوں نے زمین کے اندر مَوجود دھات یورینیم (Uranium) کی تلاش شروع کی۔ لوگوں نے اس کا مذاق اڑایا، لیکن وہ لگن کے ساتھ اس کام میں مصروف رہے اور ایک دن انہوں نے یورینیم کو پا لیا۔ یہ وہی دھات ہے جو ایٹم بم کی تیاری میں بہت اہمیت کی حامل ہے۔
قرآن اور دیگر آسمانی صحائف میں اللہ نے حضرت سلیمانؑ کے واقعے میں صرف کہانی بیان نہیں کی کہ کہانیا ں سنا کر ہمیں مرعوب کرے۔ اللہ ہمیں کیا مرعوب کرے گا…! ہماری حیثیت اور حقیقت ہی کیا ہے…! اللہ کے علوم لامتناہی ہیں۔ اللہ کا منشاء یہ ہے کہ ہم لوگوں کو آگے بڑھتا دیکھ کر خود بھی قدم بڑھائیں۔ اس کہانی کا منشاء یہ ہے کہ ہم بھی ہدایت کی راہ اِختیار کریں۔ اللہ نے اس ضمن میں جنّات کا بھی تذکرہ کِیا ہے اور یہ بھی بتایا ہے کہ جنّات انسانوں کے زیرِ اثر آسکتے ہیں۔ اگر لوگ اس علم کو آسمانی کتابوں میں تلاش کریں جو کو علمُ الکتاب کہا گیا ہے تویقیناًوہ علم اُنہیں مل جائے گا جوانسان کو نہ صرف جنّات پر بلکہ پوری کائنات پرفوقیت دیتا ہے۔